Республика матбуот марказида Тожикистон Республикаси Ҳукумати қошидаги Телевидение ва радио комитетининг 2015 йил якунига бағишланган матбуот конференцияси бўлиб ўтди. Унда Телевидение ва радио комитети раиси Маҳмадсаид Пирзода иштирок этди.

М. Пирзода матбуот конференциясини кириш сўзи билан очиб, Тожикистон Республикаси Ҳукумати қошидаги Телевидение ва радио комитетининг 2015 йилда қўлга киритган ютуқлари,

самарали фаолияти ва мавжуд бўлган камчиликлар ҳақида сўз юритди.

Ўтган 2015 йилда мамлакат Президенти муҳтарам Эмомали Раҳмон фармонлари билан мамлакатимиз ахборот муҳитида иккита янги телеканал - ТВ «Варзиш» ва ТВ «Синамо» давлат муассасалари таъсис этилган эди. Ушбу телеканалларнинг бугунги кунда мамлакатимиз учун нечоғлик зарур эканлиги борасида сўз юритган Маҳмасаид Пирзода, жумладан, шундай деди: «Бу иккала - ТВ «Варзиш» ва ТВ «Синамо» давлат муассасалари мамлакатимиз ахборот муҳити ва бугунги куни учун ҳар томонлама лозим».

-ТВ «Варзиш»  давлат муассасасини ташкил этишдан асосий мақсад, боғчадан университетгача бўлган ёшлар ўртасида соғлом ҳаёт тарзини тарғиб этишдан иборат,- деди М. Пирзода.

ТВ «Синамо» давлат муассасаси ҳақида тўхталган Телевидение  ва радио комитети раиси:

-Биз учун муҳим бўлган санъатлардан бири бу, албатта, кино санъатидир. Бир муддат халқимиз турк сериалларига жуда қаттиқ боғланиб қолишди. ТВ «Синамо»ни ташкил этишдан асосий мақсад, миллий руҳиятни кўтариш ва яна бир марта ўтган тарихимизга назар солмоқликдир. Тез орада замонавий ҳамда тожиклар тафаккурини кўрсата оладиган сценарияларни олиб, халққа кўрсатиш ниятимиз бор,- деб қўшимча қилди.

Матбуот конференцияси сўнгида журналистлар ўзларини қизиқтирган саволларга жавоб олишди.

Ўз мухбир.