Белгиланган муҳлатда ҳарбий хизматни ўтаган аскарларни захирага чиқариш ва Тожикистон Республикасининг 1989-1998 йилларда туғилган фуқароларини ҳарбий хизматга даъват этиш тўғрисида

Тожикистон Республикасининг "Мудофаа тўғрисида"ги қонуни 7-моддасига мувофиқ фармон бераман:

1. 2016 йилнинг апрел-май ойларида Тожикистон Республикаси Қуролли кучлари, Миллий хавфсизлик давлат комитети чегара қўшинлари, Миллий гвардия, Ички ишлар вазирлиги ички қўшинлари, Тожикистон Республикаси Ҳукумати қошидаги Фавқулодда ҳолатлар ва фуқаролар мудофааси комитети қўшинлари ва Тожикистон Республикаси Адлия вазирлиги Жиноий жазони ўташ Бош бошқармаси Соқчилик бригадаси сафида белгиланган муддатда хизмат қилган ҳарбий хизматчилар захирага жўнатилсин.

2.  2016 йилнинг апрел-май ойларида Тожикистон Республикасининг 18 ёшга етган ҳамда чақирув ёшидан катта, хизматни ортга суриш ёки ундан озод этилиш ҳуқуқига эга бўлмаган эркак жинсли фуқаролари Тожикистон Республикаси Қуролли кучлари, Миллий хавфсизлик давлат комитети чегара қўшинлари, Миллий гвардия, Ички ишлар вазирлиги ички қўшинлари, Тожикистон Республикаси Ҳукумати қошидаги Фавқулодда ҳолатлар ва фуқаролар мудофааси комитети фуқаролар мудофааси қўшинлари ва Тожикистон Республикаси Адлия вазирлиги Жиноий жазони ўташ Бош бошқармаси Соқчилик бригадаси сафига ҳарбий хизматга чақирилсин.

4.  Тожикистон Республикаси Мудофаа вазирлиги, Тоғли Бадахшон мухтор вилояти, вилоятлар, Душанбе шаҳри, республика бўйсунишидаги шаҳру ноҳиялар чақирув комиссиялари раислари Чегара қўшинлари, Миллий гвардия ва махсус тайинланган қисмлардаги хизматнинг ўзига хос хусусиятини ҳисобга олган ҳолда, хизматга чақирилувчиларни хавфсизлик ва ички ишлар органлари иштирокида саралашга вазифадор этилсинлар.

5.  Тожикистон Республикасининг 2000 йил, 29 ноябрдаги 30-рақамли "Умумий ҳарбий мажбуриятлар ва ҳарбий хизмат тўғрисида"ги қонуни 23-моддасида кўрсатилган ҳолатларни амалга татбиқ этиб, фуқароларнинг ҳарбий хизматга чақирилиш жараёнини ташкил қилишни шаҳар ва ноҳиялар раислари масъулият билан йўлга қўйсинлар.

6.  Тожикистон Республикаси Маданият вазирлиги, Тожикистон Республикаси Ҳукумати қошидаги Ёшлар, спорт ва сайёҳлик  ишлари бўйича комитет, Телевидение ва радио эшиттириш комитети фуқароларни ҳарбий хизматга чақиришни ташкил этиш ва амалга оширишни кенг ёритиш, Тожикистон Республикаси Қуролли кучлари сафида хизматни мамлакат ҳар бир фуқаросининг муқаддас бурчи сифатида тарғиб қилишга вазифадор этилсин.

7.  Тожикистон Республикаси Соғлиқни сақлаш ва аҳолини ижтимоий ҳимоялаш вазирлиги Тоғли Бадахшон мухтор вилояти, вилоятлар, Душанбе шаҳри, республика бўйсунишидаги шаҳру ноҳиялар чақирув комиссиялари томонидан чақирилувчиларни тиббий кўрикдан ўтказиш учун тажрибали  мутахассис врачларни сафарбар этсин.

Тожикистон Республикаси

Президенти                                                  Эмомали Раҳмон.

Душанбе шаҳри, 15 март, 2016 йил. №649.